- හානියට පත් වූ හෝ අවලක්ෂණ වූ හෝ විවර්ණ වූ හෝ ජාතික කොඩියක් ප්‍රදර්ශනය නොකළ යුතුය.
- ජාතික කොඩිය කිසිවෙකුට හෝ කිසි දෙයකට ආචාර කිරීම සඳහා මද වශයනේ පහත් නොකළ යුතුය.
- ජාතික කොඩියට ඉහළින් හෝ මෙහි මින් මතු අවසර දී ඇති අයුරින් හැර, ජාතික කොඩිය සමග අන් කිසිදු කොඩියක් හෝ ධජ පතාක, කෙහෙළි ආදී සැරසිලි, කොඩිවැල් හෝ එක පෙළට සටින සේ ඔසවා නොතැබිය යුතුය. තවද මල් හෝ මල්දම් හෝ ලාංඡන ඇතුළු අන් කිසිවක්ද ජාතික කොඩිය ඔසවා ඇති කොඩි ගස මත හෝ ඊට ඉහළින් නොතැබිය යුතුය.
- ජාතික කොඩිය මල්වැල්, ලියවැල්, පීත්ත පටි මල් හෝ සැරසිලි ධජ පතාක ආදී වශයෙන් හෝ වෙනත් කිසියම් ආකාරයකින් සැරසිල්ලක් වශයෙන් භාවිතා කිරීම හෝ ජාතික කොඩියේ පෙනුම ගෙන දෙන පරිදි වෙනත් පාට රෙදි කැබලි පිළියෙළ කර තැබීමට හෝ නොකළ යුතුය.
- කථිකයකුගේ මේසයක් ආවරණය කිරීම පිණිස හෝ කථික වේදිකාවක් මින් රැළි දා පහතට වැටෙන සේ ආවරණය කිරීම පිණිස හෝ ජාතික කොඩිය පාවිච්චි නොකළ යුතුය.
- කිසිම අවස්ථාවකදී ජාතික කොඩිය සිංහයා උඩු යටිකුරු කොට එය ප්‍රදර්ශනය නොකළ යුතුය.
- ජාතික කොඩිය පොළොව හෝ බිම හෝ ස්පර්ශවීමට හෝ ජලය මත ඇදීගෙන යෑමට හෝ ඉඩ නොතැබිය යුතුය.
- ජාතික කොඩියට හානිවන කිසිදු ආකාරයකින් එය ඔසවා තැබීම හෝ සවිකර තැබීම හෝ නොකළ යුතුය.
- ජාතික කොඩිය පෙලපාලියකට අයත් සංදර්ශන රථයක ප්‍රදර්ශනය කිරීමේදී කොඩි ගසක සවිකර විනා එය වෙනත් අන්දමකින් ගෙන යා යුතුනොවේ.
Wednesday, January 30, 2013
ජාතික කොඩිය වැරදි අයුරින් ප්‍රදර්ශනය කිරීම
Subscribe to:
Post Comments (Atom)
No comments:
Post a Comment